Waa barnaamijkii aad inooga barateen Maalin walbo oo jimco ah, Wuxuuna xanbaarsan yahaymacluumaad fara-badan ee bal kaalay oo inala faa’iideyso.

1-Su’aal Sheeg kumuu ahaa ninkii ay u kireysteen Rasuulka (NNKH) iyo Abuu-bakar rc inuu jidka tuso markii ay u Hijroonaayeen Madiina?

1-Jawab: Wuxu ahaa Dal Aqoonkii la’oran jiray C/laahi Bin Ariiqadh.

2-Su’aal Sheeg Rasuulka (NNKH) inta aanu madiina soo gelin wuxu dagay meel u dhaw madiina hadaba sheeg meeshaasi?

2-Jawab: Waxay ahayd meesha la yiraahdo Qubaa.

3-Su’aal Sheeg goorma ayaa la waajib yeelay Soonka?

3-Jawab: Waxa la waajib yeelay sanadkii labaad (2-aad) ee Hijriyada.

4-Su’aal Sheeg markii uu Rasuulka (NNKH) Geeriyooday dad badan ayaa Diinta ka noqday dadkaas waxa lagu qaaday dagaal, hadaba sheeg dagaalkaas waxa uu la magac baxay?

4-Jawab: Dagaalkaas wuxu la magac baxay Dagaalkii ka noqoshada Diinta.

5-Su’aal Sheeg dagaalkii Beder Muslimiinta imisa ayaa ka shahiiday?

5-Jawab: Waxa ka shahiday dhawr iyo toban (8 Ansaar ah iyo 6 Muhaajiriin ah) 8+6=14 ayaa ka shahiday.

6-Su’aal Sheeg baarlabaankii ay ku shiri jireen kufaartii Qureysheed maxaa la oran jiray?

6-Jawab: Waxa la oran jiray Baarlabaankaas (Daaru Nadwa).

7-Su’aal Sheeg imisa kiilo meter (km) ayuu Godka Xiraa u jiraa Magaalada maka (makkah)?

7-Jawab: Wuxu u jiraa 5 kiilo meter (5km).

8-Su’aal Sheeg maxaa la oran jiray ninkii dilay Cumar Bin Khadaab Rc?

8-Jawab: waxa la-oran jiray Abuu lu’lu Al Majuuz.

9-Su’aal Sheeg maxaal la oran jiray ninkii dilay Cali Bin Abii Daalib Rc?

9-Jawab. Waxa la-oran jiray C/raxmaan Bin Muljan.

10-Su’aal Sheeg goorma ayuu soo islaamay halyey-ga weyn
ee Khaalid Bin Waliid?

10-Jawab: Wuxu soo islaamay Bishii Safar sanadkii 8-aad
ee hijriyadda.

11- Su’aal sheeg magaca iyo wadanka uu u dhashay xog-hayihi ugu horeyey qaramada midoway (UNO)?

11-Jawab: Magaciisa wuxu ahaa trygare lie, wuxuuna u dhashay wadanka Norway.

12-Su’aal Sheeg magaca wadankii ugu danbeeyey ee xurnimo qaata Qaarada Asia?

12-Jawab: Waa wadanka loo-yaqaano East Timor, Wuxuuna ka Go’ay wadanka Indonesia.

13-Su’aal Sheeg wadanka Malaysia sanadkii uu xurnimada ka qaatay Gumeystihii England (British)

13-Jawab: Wuxuu ka qaatay sanadkii 31, 08, 1957.

14-Su’aal wadanka Singapore wuxu ka tirsana Malaysia, hadaba sheeg sanadkii uu ka go’ay?

14-Jawab: Wuxuu ka go’ay sanadkii 1965.

15-Su’aal Sheeg wadanka Qaarada Yurub ku yaal oo hal wadan oo keliya xuduud la leh?

15-Jawab: Waa wadanka Portugal.

16-Su’aal Sheeg magaca caasimada ugu da’da weyn adduunka (caalamka)?

16-Jawab: Waa magaalada Dimishiiq ee dalka Suuriya (Syria).

17-Su’aal Sheeg Madaxweynaha jeediyey qudbadii ugu waqtiga dheereed Qaramada Midoobe?

17-Jawab: Wuxu ahaa Madaxweynaha dalka kuuba (cuba) Fidel Castro, Qudbadisu waxay socotey 2 saac.

18-Su’aal Sheeg Magacii hore ee loo-yaqaanay Magaalada Qaahira (cairo) ee dalka Masar (Egypt)

18-Jawab: Waxaa loo-yaqaanay Fusdaad (Fusdad)

19-Su’aal Sheeg labada degmo ama magaalo uu ka bilowdo xarafka (J) uu maro wabiga Shabeelle?

19-Jawab: Waa magaalooyinka Jowhar iyo Jalalaqsi, labadaba waa uu maraa wabiga Shabeelle.

20-Su’aal Sheeg labada degmo uu ka bilowdo xarafka (J) uu maro wabiga Juba?

20-Jawab: waa degmooyinka Jilib iyo Jamaame, labadaba
waa uu maraa wabiga Juba.

Dhex-taal Gaaban.

Ogeysiis - Haddii aad tahay qof cusub, doonaayana inuu kamid noqday bahda ku taxan barnaamijkaan xiisaha badan ee Kororso Aqoontaada Su'aalo iyo Jawaabo oo Diini ah iyo Aqoon Guud, la-xiriir baashi053@hotmail.com

si'aad u heshid casharadii horey ku dhaafay. Anagana waxaa ku balan qaadeynaa inaad heli doontit wixi horey ku dhaafay oo dhan Insha’Allah.

Akhristayashayada qiimaha iyo qaayaha lahow ku soo dhawaada lix-dii Su'aaladood iyo jimcaha soo socda. Adingoo isticmaalaaya maskax degan, waayo Su'aalaha aan idin weydiin doono waxay la-socdeen casharadii hore.

1-Su’aal Sheeg goorma ayaa Muslinmiinta loo-baneeyey dagaal?

6-Su’aal Sheeg Muruqa ugu xoogga badan jirka Bili’aadam-ka?

Jawaabaha waxaad ku soo hagaajin kartaan gacal053@hotmail.com

Xasan Cabdi Xersi (Xasan Cadde)
Email: kedis114@hotmail.com
Kuala Lumpur Malaysia