Marka hore iga gudooma salaanta u qiimaha badan oo ah salaanta islaamka aslaamu calykum, salaaan ka dib waxa maqaalkani ku eegaya ardayda reer somaliland ee ka qalinjabiya jamacadaha dibada kuwaaso aad moodo mudooyinka danbe in ay ka biya diidaan in ay dib ugu noqdaan dalka hooya marka ay u dhamaato jamacadaha ay wax ka bartaan ee dalalkaasi shisheeye,

Ardayda Somaliland ayaa ayagu waxay ay wax ka bartaan dalal faro badan oo ay ka mid yihiin dalalka Sudan, Egypt, Yemen, Uganda, India, Pakistan, Malaysia, Kenya, Ethiopia, Bangladesh iyo dalal kale,

haddaba ardayda reer Somaliland ee dalalka dibadaha jamacadaha ka qalinjabiya ayaad moodaa in ay ku yaraatay wadaninimadu ama jaceylka dalka hooyo ay u dhasheen waayo waxay inbadan oo ardyadaasi ka mid ahi u hanqal taagaan in ay ka shaqeysataan dalalka shisheeye ama ay shaqo ka raadsadaan dalalkaasi shisheeye, ayaga oo qiil ka dhiganaya in ay shaqo la,aan ka jirto dalka hooyo.

Haddaba shaqo la,aan ay ardayda qalinjabisaa ka cabanayso waa mid jirta, oo aan layska indho tiri Karin haddii aanu eegno duruufaha uu dalka somaliland ku jiro balse maaha in shaqo la,aan ka jirta dalka hooyo in ay na nacsiiso dalka hooyo inaanu ku laabano ka dib markaaanu dhamysano jamacadiihii aanu wax ka baranaynay ee dalalkaasi shisheeye, su,aasha muhimka ee meesha ku jirta ayaa waxay ay tahay haddii aqoonyahankii dalka uu diido in uu uga faa,iidoyo aqoontii uu soo bartay dalka hooyo Yaa u maqan dalka hooyo ? runtii aradayda ka qalinjabisaa jamacahada waa ubaxii qaranka Somaliland waa aqoonyahankii dalka.

Ardeyda Japan:

Abdiqani Ahmed Hassan Golle
Si kastaba ha ahaatee waxaa tusaale lagu dayan karo inoogu filan arday u dhashay dalka Jaban oo ka helay deeq waxbarsho dalka Mareykanka ayaa waxaa uu baranayay cilmiga mechanical engineering isagoo ardaygaasi ku gudi jiray waxbarshadiisii ayuu soo saaray aalad cusub ama qalab cusub oo aan hore loo arag isla markiiba ardyagii waxaa uu goostay ticket uu ugu laaban lahaa dalkiisii hooyo ee jaban,

ardaygii markii uu kulaabtay dalkii hooyo ay waxaa la waydiiday sababaha ku dhaliyay in uu dib ugu soo laabto dalkiisa hooyo isaga oo aan dhameysan wali waxbardhadiisii uu ku joogay dalka mareykanka, ardaygii wax uu ku jawaabay waxaan doonayaa in aan dalkayga hooyo uga faa'iidayo aaladan cusub oo aan iktishaafay ama soo saaray
Haddaba waxaa la gudboon ardayda dhameysata waxbarshdoodii dalalka diba in ay ku soo laabtaan dalka hooyo si ay u horumariyaan dalkooda hooyo ee Somaliland waayo waxaa ka mid ah ardaydaas dhakhtarkii, macalinkii, dhaqaaleyahankii, engineerkii, xisaabiyihii,loyarkii, haddaba ma jirtaa maalin ay Somaliland uga baahi badantahay dhamaan dadka aan xaga sare ku xusay?

sida aan kor ku xusay ardayda qalinjabisaa waa aqoonyahankii dalka Somaliland madaama ardaydaasi ay yihiin aqoonyahankii dalka waa in ay ku soo hirtaan dalkooda hooyo oo ay shaqo ka abuuraan gudaha dalkooda oo ay noqdaan shaqo curiyaal ama shaqo abuurayaal (job creators).

Abdiqani Ahmed Hassan Golle
MBA-Finance and Accounting
KAMPALA INTERNATIONAL UNIVERSITY
Kampala –Uganda
Tel:+256783457442
Tel:+256718225932
Email: meerqani@hotmail.com