Si loo helo Doorasho XAQ iyo XALAAL-ba Waxaa haboon in aan layska indho tirin waxa ku qoran Q.82 ee Dastuurka Somaliland

Text Size

Increase | Decrease | Normal

Maxaa laga Yeelayaa Q.82 ee Dastuurka Somaliland?

(si loo helo Doorasho XAQ iyo XALAAL-ba, Waxaa haboon in aan layska indho tirin waxa ku qoran Q.82 ee Dastuurka dalka), Maarar badan ayaa waxaynu maqalaa in loo baahan yahay Doorasho xaq iyo xalaal ahi in ay dalka ka dhacdo. Marar badan waxaynu maqalaa in lagu tuntay Dastuurkii dalka oo ka kooban 130 .qodob.

Haddaba ilaa hadda ma garanayo sababta keentay in G. Doorashooyinku ay ka hadli waayaan waxa ku qoran Q.82 ee Axdiga Qaranka, oo qeexaya cida musharax u noqon karta dalka –dadka iyo Xisbiyadaba.

Ilaa hadda maan fahmin sababta keentay in Maxkamada Sare oo xil saraan ilaalinta iyo fasiraada Dastuurka ay uga aamusan tahay Q.82 ee Axdiga Qaranka.

Maxaa keenay in afar ka mid ah Musharaxiinta u tartamaya Doorashooyinka soo socda ee Somaliland ay haystaan dhalasho wadamo kale?

Ma cada ilaa hadda sababta keentay in Xukuumada iyo labada Gole ay uga warwareegayaan Q.82 ee Dastuurka dalka, iyadoo inta badan lagu eedeeyo ku tumashada Dastuurka.

Hadal iyo dhamaan,haddii aan jawaab buuxda loo helin su,aasha kor ku qoran,haddii layska indho tiro qaar ka mid Firqadaha uu ka kooban yahay Q.82 ee Axdiga Qaranka waxaa loo qaadan karaa ku tumasho Dastuurka dalka, ma dhacayso Doorasho xaq iyo xalaal ahi.

Sidan ayuu u qoran yahay Q.82 ee Axdiga Qaranka Somaliland:-

QODOBKA 82AAD

SHURUUDAHA QOFKA LOO DOORANAYO MADAXWEYNE

AMA MADAXAWEYNE-KU-XIGEEN

Waxa Madaxweyne ama Ku-xigeen Madaxweyne loo dooran karaa qofka buuxiya shuruudaha soo socda:­

1. Waa in uu yahay muwaadin u dhashay Somaliland oo muwaadinimo dawlad kale haysan, balse wuu noqon karaa qoxooti dal kale deggan.

2. Waa inuu Muslim yahay, kuna dhaqmaa Diinta lslaamka.

3. Waa inaanay da’diisu ka yaraan afartan sano {40}.

4. Waa inuu jidh ahaan iyo maskax ahaanba gudan karaa xilkiisa

5. Waa inuu aqoon iyo waayo-aragnimo u leeyahay arrimaha maamulka {mid dawliya iyo mid kaleba}.

6. Waa inuusan dembi maxkamadi ku xukuntay ka gelin Qaranka Somaliland.

7. Waa inuu xaaskiisu yahay Muslim.

8. Waa inuu xog-ogaal u ahaado xaqaa’iqa dalka ka jira, isaga oo joogay ugu yaraan laba sano ka hor taariikhda doorashada loo cayimay inay qabsoonto.

9. Waa inuu hantidiisa diiwaan geliyo

Mahadsanidin

Abdi M.Saleiman(Mingiste)
abdi_saleiman@hotmail.com

Posted In
Submitted by Anonymous on January 4, 2010 - 7:09pm.

Post new comment

Home