Murankani waa mid ilaa bishii arafo ka dib soo jiitamayey waxaana uu toos ugu dhaxeeya dhaqaatiirta xoolaha dhoofaya caafimaadkooda baadha iyo wasiirka xanaanada xoolaha, wuxuuna ku saabsan yahay oo laysku mari la yahay hanaankii ay u wada shaqeyn lahaayeen dhaqaatiirta iyo maamulka sare ee maxjarku sidoo kale waxaan weli kala cadayn in dhaqaatiirtu u shaqeeyaan maxjarka berbera iyo inay u shaqeeyaan wasaarada caafimaadka

mida kale dhaqaatiirtu waxay ku murmayaan inay markay u shaqeynayeen shirikadaha wadaniga ah ee xoolaha dhoofiya inay calaa neef mushqaayad ugu lahaayeen laakiin hanaanka cusub ee wasiirku rabo inuu ku meel mariyo inuu yahay mid aan la aqbali Karin maadaaba mushahar go,an loo qoray taasoo weliba lagu xidhay xiliga shaqadu socoto waxaa taas ka sii daran weli waxaan kala cadayn cida dhaqaatiirtu u shaqeynayso iyagu waa dhaqaatiirtee waxay ku murmayaan waxaanu u shaqeynaynaa maxjarka berbera isaga ayaana ka masuula sugida caafimaadka xoolaha dekeda ka dhoofaya laakiin waxaad moodaa in dhanka wasiirka madmadow badani ku jiro oo aanu weli u kala cadayn cida dhaqaatiirtu u shaqeynayso dhawr jeer oo ay kulan yeesheena in laysku afgaran waayey oo uu murmuray waxayna dhaqaatiirtu leeyihiin

"wasiirku wuxuu nagula dhaqmayaa hab labo wajiilanimo oo wixii uu maanta balan qaado hadana berito waxba ka socon maayaan ee wuu ka baxayaa" waxayna sheegeen inuu ula dhaqmayo sidii dad laajiyiin ah oon xaq iyo xuquuq midna dalka ku lahayn mid dhaqaatiirta ka mid ah oon maanta kula kulmay maxaa laga shaaheeyo oo berbera ah ayaa ii sheegay in wadada keliya ee u furani tahay in shaqo joojin ku dhawaaqaan wuxuuna yidhi

Waxaa iyana qaylo ka taagnayd shirikadaha xoolaha dhoofiya oo ka cabanaya inaan aan si siman loogu shaqeyn iyaga iyo shirikada aljaabiri ee maxajarka ka masuulka ah markay xoolo keenaan waxay had iyo jeer ku doodaan in aan maxjarka berbera loo sinayn ee uu dhinac ka raran yahay oo marba walba laga horeysiiyo xoolahooda kuwa shirida aljaabiri iyagoo ku doodaya in cabashadooda ay hore ugu gudbiyeen wasiirka xanaanada xoolaha oo ah meesha keliya ee loo caban karo laakiin nasiib daro ayey yidhaahdeen waxba kama uu qaban waxay

waxaa kale oo iyana jirta ismaandhaaf u dhaxeeya shirikada indho deero iyo masuuliyiinta dawlada oo uu ugu horeeyo wasiirka xanaanada xooluhu kuwaasoo ku salaysan tuhuno iyo shakiyo dawladu ka qabto in shirikada indho deero ku dhisayso maxjar cusub magaalada berbera taasoo iyana ay mar walba beenaynaysay shirikada indho deero waxaase jirtay ayaamahan in tuhunadaasi noo noqnoqdeen oo dhanka dawlada ay amaro soo saartay kuwaasoo ay ku war gelinayso shirikada indho deero inay ku gubto kuna baabiso xeryaha xoolaha ee ay duleedka koonfureed ee berbera ku leeyihiin

waxaana la sheegay in wasiirka xanaanada xoolaha oo kaashana masuuliyiinta gobolka saaxil inay amar ku soo rogeen shirikada indho deero ku baabiso xeryahooda xoolaha mudo 48 saacadood gudahood ah taasoo ka bilaabmaysay bishan January 17, 2009 dhanka kale siday sheegeen masuuliyiinta shirikada indho deero ma jiro wax khilaafsan sharciga Somaliland oo ay gooni ugu talaabsadeen mana jirto ayey yidhaahdeen maxjar kale oo aanu berbera ka wadnaa waxaana aanu ku khasbanayey in aanu xoolahayaga caafimaadkooda ka sugno maxjarka berbera laakiin waxaa jira mashruuc wasiirku wado kaasoo uu doonayo inuu iska hor yimaad ka dhex dhaliyo shirikadayada iyo dawlada Somaliland ayuu yidhi mid masuulinta shirikada ka mid ahi

Markaad isku soo wada duubto mudo labo todobaad ah wararka keliya ee magaalada berbera laysla dhex marayey waxay ahaayeen arimaha maxjarka berbera iyo qulqulada u dhaxaysa wasiirka xanaanada xoolaha iyo dhaqaatiirka xoolaha caafimaadka suga iyo iyana qulquladan cusub ee u dhaxaysa shirikada indho deero iyo wasiirka xanaanada xoolaha waxaana aad mooda waxayna xaaladu kor u sii kacday todobaadkii ugu danbeeyey ka dib markii la sheegay in dawladu xoog adeegsan doonto si loo baabiyo xeryahay xoolaha ee shirikada indho deero inkastoo taasi aanay weli dhicin.