Marka la eego hawlqabadka Komishankan cusub ee lagu magacaabay shuruudihii xisbiyada mucaaradku ku xidheen degenaanshaha dalka iyo siyaasaddisa ayaan ilaa imika cidd soo hadal qaadi kartaa aanay jirin maadaama xisbiyada, dawladda iyo dalalka Somaliland saaxiibka la ahi isku qanciyeen inay yihiin kuwa Somaliland gaadhsiin kara dimuqraadiyad kale iyo doorashooyin xor oo xalaal ah,

sidaa darteedna ay dhamaan dhinacyadaasi shacbiga iyo siyaasiyiintaba kula taliyeen inaan hawlahooda farageliyaan, balse dhinaca kale arrimaaasi waxay durba keeneen weji kale oo dhinacyada siyaasadda Somaliland isku haya dareen geliyey, balse dhinac keli ahi ku dhici la’yahay inuu bilaabo wax ka sheegga Komishanka cusub ee doorashooyinka. Markaad eegto dhinacooda ama dhinaca komishankaasi, waxaad mooddaa inay weli bulshada, dawladda iyo xisbiyadaba gooni iskaga xidheen, isla markaana ay go'aansadeen in aanay cidna la hadal, xitaa marka lagu daro hawshii loo igmaday ee ahayd dooraashooyinka.

Arrimahaas oo dhamina waxay muujinayaan sidda Komishankani ku doonayo inuu aamusnaan ugu fadhiyo kuraasta sannado, bilo ama wiigag, iyagoo aad moddo in haddii ay shacbiga wax u sheegaan lagu soo jeesan doono sidaa darteedna ku talo galeen in gebi ahaanba la illoobo Komishanka cusub, doorashooyinka, tartanka axsaabta iyo kormeerayaashaba.

Sidoo kale ayaanay Komishankani kala saarin cidda kala saari doonta diiwaangelintii, waxay ka yeeleen Interpeaace, inkastoo xukuumaddu iyo iyaguba sheegeen in arinkaasi laga heshiiyey weli lama hayo ciddii beddeli lahayd, marka laga reebo shirkad lagu sheegay Ingiriis oo qandaraas lagu siiyey hawsha Serverka.

Sidoo kale Komishankan cusub ayaa looga baahnaa inay sheegaan dhibaatooyinka haysta si wax loogala qabto oo waxay dawladdu ka qaban kari weydo ama diiddo inay qabato xisbiyada mucaaradka ah weydiisato. waxa qudha ee ay hayaana waa kalsooni aan la ogeyn inta ay sii socon doonto oo ay shacbiga iyo dawladdaba ka haystaan. Dadka qaar ayaa durba aamuska Komishankan cusub shaki ka muujiyey una qaatay inay dawladda shuraako kula yihiin aamuska iyo wax qarinta lagu yaqaanno xukuumadda Rayaale.

Komishankan cusub ayaa qaarkood hadalhayaan inaya mar kale u kici timi doonaan dal debedda ah si loosoo tababaro, halka kuwa kalena sheegayaan in Komishankan cusubi ka amar qaato dalal kale oo aan jeclayn in lasoo haddal qaado doorashooyin xor ah, dimuqraadiyad iyo mucaaradba, sidaa darteedna ay ballamo qarsoon ka haystaan siddii loo taageeri lahaa ama xukunka loogu dheerayn lahaa xukuumadda maanta dalka haysata ee UDUB.

Si kastaba ha ahaatee shaqaale, guddi ama masuuliyiin kaleba waxa la bartaa marka ay guddo galaan hawll loo xilsaaray, balse haddii aan looba diran wax hawl ah ama aan laga maqal hawlo ay qabteen lama qiimayn karo wanaaggooda, xumaantooda, caddaladdooda iyo caddaalad daradooda, dhex dhexaadnimadooda iyo eexashadooda, sidaa darteedna Komishanka cusubi u muuqdo mid aan weli hawl qabanin, isla markaana aan lala ogeyn firfircoonaantooda, adkaysigooda, daacadnimadooda iyo aqoontooda, saddex bilood ama afar bilood ku dhawaad aanay weli wax ka farxiya xisbiyada mucaaradka, kana cadhaysiiya muxaafidka ummadda u sheeginna ayaa loo qaadabn karayaa wakhti ka lumay horumarinta dimuqraadiyadda Somaliland oo sii murginaya is’aaminka iyo wadashaqaynta bulshoweynta Somaliland dawladd iyo shicib, siyaasi iyo waxgaradka kaleba,