• Nidaam ku jira yagleel oo leh galdaloolo aan lasoo koobi Karin

• Dastuur uu ku jiro LAAXIN aad u weyn oo nidaamka dheeli ku ridey

• Bulsho u ooman ISBEDEL balse ka daashey hebel BEDEL IWM

Haa oo mar kale waa mucaaridkii ugu ayaanka darnaa ee soo mara taariikhda JSL isla markaan si weyn loogu xusi doono taariikhda Somaliland sababtoo ah

• Dhaliisha oo ay ka doorbidaan bandhiga aragtidooda siyaasadeed

• Siyaasadooda oo ka qofowdey kuna daaleen wax ka sheega shaqsiga xagii ay nidaamka yoolka saari lahaayeen.

• Fursadaha ay heystaan iyo kartida aqooneed oo ayna marna biyo-dhiijinin

• Nidaamka curdinka ah ee sida shaandhada oo kale u daldaloola una baahnaa aragti siyaasadeed oo buuxisa oofaha daloola ee nidaamka oo ay garab mareen IWM.

Su’aali kama taagna in bulshada Somaliland sideedaba u ooman tahey Isbedel dhabb ah waqtigan xaadirka ah haseyeeshee macnaheedu maaha imika CID UUN IYO SI UUN, ee wey u meel deyeyaan, oo wey gagab gooyeen, oo sahan la’aan ayeey marar hore guureen, oo midho darey ayeey horee duuduub ugu liqeen hadase waxa laabtooda ka guuxaya

Godka dhaxanta badan ku haya bulshada Somaliland degen muran la’aan waa cadaalad xumida bariisatey dalka taas oo ciriqeedu ku arooro qaab dhismeedka garsoorka ee Dastuurkeenu dhigayo oo uu isku lifaaqeyo waaxaha GARSOORKA IYO FULINTA oo ay aheyd iney kala madax banaanaadaan nidaam ahaan,

halkaasna mucaaridku wuu ka baaqsadey iney buuxiyaan waaney kala masuugeen bulshada Somaliland waxey labada doorbideen iney bulshada Somaliland iyaga u abaal guddo halkii ay ka aheyd iney umadda u Ill-bixiyaan halka dhaxantu kaga imaneyso weliba la odhan karo qodobkan wey ka badheedhayaan si ay ugu fadhiistaan kursiga isku darsadey awood badnaan lagusii lifaaqey waaxdii garsoorka hadii kale oo la yidhaa kamay badheedhine balse may dhaadeynin qodobkaas LAAXINKA ah markaasna waxeynu odhan karnaa umaba qalmaan hogaanka umadda sababtoo ah ma laha aragti siyaasadeed oo ay caqabadaha umadda kaga saaraan,

si kastaba ha ahaatee waxa la joogaa xiligii doodo furan oo leh ujeedo durugsan laga geli lahaa gudaha Somaliland(khaastan Jaamacadaha) iyo dibedaba, lana dhaafo aragtida gaaban ee muranka madhaleyska ah ee hebelbaa federal ah iyo heblaayaa guri iibsatey taasoo gef iyo cey ku ah caqliga saliimka ah.