Somaliland iyo
Ninka saaxil joogoow
Safka uu horkacayiyo
Saaxiib talaabooy
Dhaqankiyo hidaha sugan
Dharka sideen u xidhanaa
Suxuladda banaaniyo

Saddex qaydku waa maxay
Timahoo la soohoo
Sixinkii lo’deeniyo
Lagu dhoobay subagbay
Saydhaan haweekuye
Xijaabkii ma saaraan
Sifihi islaamkiyo
Sunnihii ma wadanaa

Sabarkoo la muujiyo
Diraca iyo saadhiga
Ruuxii sitee xidhan
Summaddoodu waa maxay
Socodkeeda gabadhiyo
Waxba yaan surwaaliyo
Garan yaroo sidoolaa
Sabab loga dhigin taa

Waayahaa salguuriyo
Wakhtigaa siqaayoo
Seemehaa wax jarayiyo
Waa seef wax gooysoo
Saynisbaa lagaadhoo
Xidigaha siraatiyo
Sayruuq la fuuliyo
Samadaa la korayaa

Inaguna sideenii
Ka sabaan ahayeenee
Iyadoo sagaal dhaloo
Sadkeedii dhamaadoo
Sidixeedi wadatay (sidix=sabi)
Sooryadii dhadhaartaa
Adhigay sunsumisaa

Marna awrta soofteey
Hadba soo rogtaayoo
Seeto ay ku jiidaa
Markaad saamigiinii
Suuqaad ka waydaan
Sidii ruux siloonbaad
Sanniftaan caruurtoo

Simbiidhaan haweenkee
Suun lagu garaaciyo
Serbi inaad la fuushaan
Xadiiskii saxiixiyo
Suuraday ku taalaba
Saaxiib bal ii sheeg

Afartaa sureerkiyo
Siibadiiba ma u xidhay
Nimankaa salaaftee
Sahan beena guuriyo
Saha maanta joogoow
Sadar kalena wuxu yahay

Qurbe dumarka lagu sabo
Ninka sufihi moodiyo
Sunbo aan wax dhaqanoow
Saqdhaxaad gudatyasaa
Weligeed sabaaliyo
Sasabiyo wax sheegbaa
Saldhigood ahaan jiray

Cilmibaa siyaadoo
Aqoonbaa la siiyee
Dumar waa sidoodii
Sida loo dhaqaayina
Sifo gaara weeyoo
Nin sudeefiyaa garan
Waa saylad dunidani

Nin waliba sabeeniyo
Sumalkiisa keenoo
Qaarbaa siyaadiyo
Hela saamiga u badan
Sifir qaar kacaa jiroo
Soofdaran halaabee

idinkiyo safkaaguna
Haddii ay Siciidtahay
Ama saykaletaba
Saacay ahaataba
Sodoh weeye inantuye
Maahmaah sarwayniyo
Sarbeebaa waxay tidhi

Ilayn seeddi weeyee
Saygeeda weligaa
Sina haw coloobina
Suuban dee walaashaa
Si ay yeeli mooyee

Afartaa sureerkiyo
Aan suusadda u xidhoo
Sheekada sargooyee
Waxan idhi sareedana

Waxkastoon samaynaba
Saatir wuu arkaayaa
Malaa’iig la soocaa
Sajilaysa ficiladoo
Saxar aanu dhaafayn
Sawd aad u dheeriyo
Suurbaa la tumayaa

Samahaa la badiyaa
Salaadaa la oogaa
Rukuucdiyo sujuudaa
Dhulka lagu saleeyaa
Subcisbaa la qaadaa
Xumahaa la saydhaa
Waxa jira socdaal dheer

Surmi iyo haraad iyo
Silicbaa lamarayaa
Waana shay saxiixoo
Nimuu saamaxoo qudha
Ayaa samata bixi kare