Sweden- Ilaah baa mahad leh, Nabadgelyo iyo naxariis nabi Muxamed korkiisa ha ahaato, Ilaahay wuxuu aduunkan ku abuuray bani’aadam, kuwaas oo uu ilaahay siiyey ku noolaanshaha iyo waliba ku tasarufkiisa, Wuxuu ilaahay ka dhigay kuwo ka kooban rag iyo dumar waxaa kale oo ay ku kala duwan yihiin xagga midabka, xaga dhaqanka, luuqadaha, iyo diimahaba, laakiinse waxay ka siman yihiin dadka kan adduunka ku nooli inay arkaan indhahoodu dhagahooduna maqlaan wax kasta oo la odhan karo waa wanaag amaba way wanaagsan yihiin sidoo kale wax kasta oo la odhan karo waa xumaan amba waa xun yihiin

Akhristoow waxa in mudo ah si is dabo jog ah dhegahayga uga badatay kalsooni darada ay tageerayaasha xisbiga Kulmiye Ee wadanka Sweden ku qabaan masuuliyiinta loo caleemo daaray Hogaanka Xisbiga ee wadankan

Wadanka Sweden ayaa lagu Qiyaasa wadanka Labaad ee yurub uu ugu tageeradaba badan yahay Xisbaga Kulmiye marka laga yimaado Wadanka UK oo xarun o ah Tageerayaasha Xisbiga ee Qaradan Yurub

Qalinkii: Mxamed Xasan XaleefMaanta (Sabti) ayaa waxan Booqasho ku joogay Magaalada Jönköping ee Caasimada Gobolka Småland Ka dib marki laga soo baxay Salaada Duhur ayaa nin aanu saxiibo nahay oo ka mid ah Tageeyaasha Xisbiga Kulmiye oo og in aan ka mid ahay garabka isbedel doonka ah ee Xisbiga Udub igu khasbay in aan u raaco shir ay kula kulmayaan Gudida Guud ee xisbiga Kulmiye

Isaga oo u arka in manta Xisbiyada iyo Ururada mucaaradku kuwo isku dan ah hadafkooda koowaadna yahay Isbedel ka dhaca Wadanka iyo Regime-ka oo laga Xoreeyo wadanka
Waxba yuu hadalku ila durkine waxaanu soo gaadhnay meeshi u ka dhacayay Kulanka Loo Balansanaa ee Dhex marayay Gudida Cusub ee Xisbiga Kulmiye ee Wadankan Sweden iyo Xubno iyo Tageerayaal ka mid ah Jönköping Gudida waxa Horkacaya Gudoomiya Xisbiga ee wadanka Sweden oo ay ku lamaan yihiin Xog-hayisa iyo Gud.Dhaqaalaha ee Xisbaga

Waxanu meeshi tagnay shirka oo marka Bilaabmaya oo dadku ay qul qulayaan madasha lagu qabanayo shir doceedkan Wax Cabaar ah markaan meeshi fadhino ayaan waxa Bilaabmay Kulanki la isugu yimi oo aaad moodo mid bila Ajande ah Waxa markiiba meesha iiga muuqday dad aad moodo wada Shacab Waxa in mudo ah igu adkaatay in aan aqoonsado wejiyada Gudoomiyaha iyo gudida kale Si Kastaba ha ahaate waxa halkii ka bilaabmay hadal aan lahayn meel uu ka bilaabmay iyo meel uu ku dhamaanayo midna

Waxana Hubaal ah hadii arimuhu sidaa ku si Socdaan in Xisbiga Kulmiye uu Saqiiro Waxaan jeclahay In aan Gadaal idiinka Soo Gudbiyo Qormooyin aad u xiiso badan oo arintan ku taxa-luqa kuna salaysan Xaqiiqda iyo Meesha sartu Ka Qudhuntay!

Guul iyo Gobanimo

Mahadsanidiin Dhamaan

Mohamed Hassan Xaleef
xaleev@hotmail.com