Sida la sheegay Siilaanyo waxa uu joointan ku talaabsaday kadib markii ay soo baxeen cabashooyin la xidhiidha inay si khaldan u adeegsadeen hawshii loo igmaday, iyaga oo la sheegay inay ku ka ceen arimo baalmarsan nidaamkii loogu talo galay inay ku shaqeeyaan taasoo ahayd inay mudada kala guurka ah Illaaliyaan kana war hayaan Hantida Qaranka si aan loo boobin, wixii macluumaad ah ee ay helaana ku soo celiyaan madaxweynaha Magacaabay, taasoo iyaga oo aan war-bixintoodii ku celin Siilaanyo qabtay shir jaraa’id oo ay ku soo bandhigeen dhaliilo farabadan oo kiciyay xaasaasiyad iyaga oo aan marin Hay’adihii sharciga ahaa

Sida ay wararku sheegayaana talaabooyinkaasi ayaa sababay in Axmed Siilaanyo ay uga tagaan cabashooyin badan oo la xidhiidha Amarada ay bixinayaan iyo hawl fududaymo ay weydiisteen masuuliyiinta haya Xilalka Qaranka ee loo diray inay dabagalaan, gaar ahaana waxa ay cabashooyinkaasi ka soo baxeen Hay’adaha dakhli soo saarka iyo qaar ka mid ah shakhsiyaad ka soo jeeda Gobolada Dalka qaarkood oo ay saareen culays farabadan

Taasi waxay keentay in Axmed Siilaanyo oo amro guddidu inay joojiso war-bixin ay sheegeen inay maanta oo ay bishu tahay 25 ay soo saarayaan, taasoo ay damacsanaayeen inay ku soo bandhigaan waxyaabo badan oo hantida Ummadda ka mid ah oo ay sheegeen in la lunsaday

Talaabadan ayaa waxay ka danbaysay kadib markii uu Madaxweynaha talada sii haya ay gaadhay cabasho ka badan ta gaadhay Siilaanyo oo sababtay in uu kala hadlo Axmed Siilaanyo dhibaatooyinka sharci darada ah ee ay ku talaabsadeen Guddida uu magacaabay mudadan kala guurka ah oo ay dhici karaan xad-gudubyo aanay labada Madaxweyne midkoodna ogayn taasoo keentay in kulankoodii kadib Madaxtooyada Soamliland ka soo saarto war-saxaafadeed nuxurkiisu ahaa inaan la carqaladayn nidaamka xil-wareejinta, kaasoo u muuqday mid lagu asturayay dhibaatooyinka ay ka wada hadleen.

Lama oga Guddidu waxa ay ka yeeli doonto talaabada uu Axmed Siilaanyo ku hor istaagay warbixintii ay ku balan qaadeen inay maanta soo bandhigaan, hase yeeshee waxa ay warar aanu ka helnay Guddidaasi sheen in ay isku khilaafeen go’aanka ay arrintan ka qaadanayaan, iyadoo warar hoose oo aanu Guddida ka helnayna sheegayaan kulan ay shalay ku lahaayeen Hotelka Maan-soor inuu u qabsoomi waayay kadib markii ay ku kala jabeen inay aragati midaysan ka yeeshaan carqalada soo waajahday

Inkastoo ay wararka qaarkood sheegeen in xalay dib ay qaarkood iskugu soo ladqabaynaeen si ay u kulmaan balse lama oga inay suurtogal u noqotay arrintaasi iyo inkale

Tan iyo markii uu Siilaanyo magacaabay Guddidan waxa soo baxayay aragtiyo kala duwan oo la xidhiidha daacadnimadooda tusaale ahaana dadka qaar ayaa u arkayay Axmed Siilaanyo inuu ku degdegay maadaama Dalka ay ka jiraan Hay’addo iyo shuruuc damaanada qaaday ilaalinta Hantida Qaranka oo aan loo baahnayn inuu magacaabo, halka aragtiyo kalena qabeen xubnaha Guddida laftigoodu inaanay ahayn shakhsiyaadkii ku haboonaa gaar ahaan shakhsiyaadka ka tirsan Xildhibaanada Golaha Wakiiladda ee guddidaas ku jira, oo ahaa kuwo xag-jir ah xurguf siyaasdeed oo kululina ay ka dhaxaysay qaar ka mid ah masuuliyiinta loo diray inay dabagalaan, halka Guddidaas xubno ka mid ahina ay ka soo jeedaan xubno ka soo digarogtay saacadihii u danbeeyay Xisbiga UDUB, kuwaasoo ay ku sii jirto cadhadii ay kala yimaadeen saaxiibadooda wali ku sii baaqi ah Xukuumadda.

Dhinaca kale, waxa la sheegay inay iska kala yaaceen Guddidii Siilaanyo u magacaabay qaban qaabada xil wareejinta kadib markii ay garan waayeen qorshe cad oo ay ku shaqeeyaan taasoo ka dhalatay hawsha loo igmaday oo ahayd mid qardajeex ah oo masuuliyadeeda uu leeyahay Madaxweynaha xilka wareejinaya, haseyeeshee waxa xaflad yar oo kooban oo ugaar ah xisbiga soo qabanqaabiyaan, taasoo u gaar ah xukuumadooda cusub, kaasoo Siilaanyo kadib magacaabay Guddi ka kooban afar Wasiir oo kala ah Madaxweyne ku xigeenka Arrimaha Gudaha, Maaliyada iyo Hawlaha Guud kuwaasoo ku guda jira Fulinta xil wareejinta.

Sidoo kale waxa laga dardaar-warinayaa inay shaqayso talooyinkii ay soo jeediyeen Guddidii ka talao bixinta dhismaha Xukuumadda cusub taasoo la sheegay in ay wax badani iska badaleen soo jeedimahoodii, waxaana tibaaxaha ka soo baxaya dadka ka ag-dhaw-dhaw Madaxweynaha cusub sheegayaan in ugu yaraanm tiradii Wasiiradda ee Xukuumada Silaanyo caga-cagaynayso ilaa 20 wasaaradood, halka wasiirku xigeenadii ay ka tageen la hadal hayo in ilaa 8 wasiir ku xigeen uu magacaabayo, taasoo loo aanaynayo culays badan oo xaga Beelaha kaga yimi, inkastoo Siilaanyo Al-baabada ka xidhay in Xukuumaddiisa cida ka mid ah la sii saadaaliyo .

Dadka ka hadlay arintan waxa ka mid ah Xildhibaan Maxamed Maxamuud Yasiin (Dheeeg) oo ka mid ah Mudanyaasha Golaha Guurtida oo ka digay Khilaaf horleh oo ka dhex Qarxa Gudidii uu dhawaan soo Magacaabay Madaxweynaha la doortay Axmed Maxamed Maxamuud (Siiranyo) ee loo Bixiyay Guddida Ilaalinta Hantida Qaran, iyo Masuuliyiinta Xukuumada Daahir Rayaale Kaahin ee wakhtigu ka sii dhammaanayo.

waxaanu khilaafka ku sababeeyay in Guddida ilaalinta Hantida qaranka Xisbiga Kulmiye, ay qaateen masuuliyad anay iyagu lahayn, waxayna uu shegay in Gudida Masuuliyadoodu ay tahay uun in ay daba gal iyo baadhis uun ku sameeyan, kadiban marka ay Xukuumada Cusub xilka lagu wareejiyo ay soo bandhigaan dhammaan wixii hanti ah ee la lunsaday, ayna wixii qoraal ah ee ay hayeen ay ku wareejiyaan xukuumada cusub si ay iyadu Xal uga gaadho, Lakiin Gudidani any iyagu lahayn waxa awood oo ay waxana ku soo xidhan waxana ku soo qabqabtan.

Balse waxa uu shegay in Gudidaasi ay faro galisay Awoodihii Dasduurku u dhigayay Xukuumada Xilka sii Haysa isaga oo shegay in ay Masuul ay ka tahay Xukuumada xilka sii haysaa in ay ilaaliso Dhammaan Hantida qaranka waajibna ay tahay in logu yimaado wixii hanti ahaa ee qaranku lahaa ee gacanta ku hayeen, Waxaase uu ka digay in dalka uu ka bilaamo Buuq iyo isqabqabsi dhexe mara Guddida Xukuumada cusub iyo Xukuumada xilka ka sii dagaysa, waxaana uu sheegay in Dasduurka qaranku uu Cadeeynayo Awooda ay leedahay Xukuumada xilka ka sii dagaysaa waxana uu shegay in Dasduurku Xukuumada xilku ka sii dhamanyo uu siinayo in ay si buuxda dalka u maamuli karto tan iyo inta laga gadhay Xaflada Xilwareejita labada Madaxweyne. Waxaana uu soo jeediyay Gudida Kulmiye in aany gacmaha la galin Xukuumada Xilka si haysa si aanu u bilaamin Muran iyo Isxagxagasho

Dhinaca kale wasiirka arrimaha dibada oo u waramayey wargesyka Ogaal ayaa ka hadlay gudiyadaa mar wax laga wediiyey waxa uu ku jawaabay; “Horta waxa habboon dawladnimada iyo sharafteeda in la illaaliyo, Millatari dalkan qabsaday ma imanayo, qolooyin hadlayey oo Guddiyaal ah oo Madaxweynaha la doortay soo diray waaxoogaa dhadhan xumo ah ayaannu ku aragnay oo runtii aannaan islahayn meesha way ku jirtaa oo soo baxbaxaya.

Waar wixii qaranku waa wax qoran, Xisaabiyaha guud bay soo mareen, Hanti-dhawrka ayaa haya, Wasaarad walba waa la ogyahay, haddii baabuur geerash yaallo micneheedu maaha baabuurkii ayaa la furfuranayaa. Maalin dhawayto arrin nasiib-darro ah ayaa dhacday, qolada socdaalka iyo Taliyaha sirdoonka Wajaale ayaa lagu qabtay, aadbaannu uga xumaannay runtii, markaasaa Madaxweynihii la doortay lala hadlayaa, yaa horta xilka haya? Xilka waxa hayaa waxa weeyaan maamulkii Madaxweyne Daahir Rayaale, Madaxweynihii dalku waa isaga.